ହାଇତି ଭୂକମ୍ପରେ ମୃତ୍ୟୁସଂଖ୍ୟା ୧୨୦୦ ଟପିଲା, ଏଯାଏଁ ୨୮୦୦ ଲୋକ ଗୁରୁତର

ହାତତି,(ଓଡିଶା ଟାଇମ୍): ହାଇତିରେ ଶକ୍ତିଶାଳୀ ଭୂକମ୍ପରେ ସାରା ଦେଶବାସୀଙ୍କୁ କରିଦେଇଛି ଥରହର । ୭.୨ ତୀବ୍ରତାରେ ଏକ ଶକ୍ତିଶାଳୀ ଭୂକମ୍ପ ଅନୁଭୂତ ହୋଇଥିବାରୁ ଭୂଷୁଡି ପଡିଥିଲା ବଡ ବଡ ଅଟ୍ଟାଳିକା । ଫଳରେ ମୃତ୍ୟୁସଂଖ୍ୟା ବଢିବାରେ ଲାଗିଛି । ଏଯାଏଁ ୧୨୦୦ ଲୋକ ମୃତ୍ୟୁ ହୋଇଥିବା ନେଇ ଜାତୀୟ ଗଣମାଧ୍ୟମରେ ସୂଚନା ଦିଆଯାଇଛି । ଅତିକମରେ ୨୮୦୦ ଲୋକ ଆହତ ବି ହୋଇଛନ୍ତି ।

ହାଇତିର ନାଗରିକ ସୁରକ୍ଷା ଏଜେନ୍ସିର ନିର୍ଦ୍ଦେଶକ ଜେରୀ ଚାଣ୍ଡେଲ କହିଛନ୍ତି ଅଧିକାଂଶ ଆହତ ଦେଶର ଦକ୍ଷିଣ ପ୍ରାନ୍ତର । ଶନିବାର ଭୂକମ୍ପରେ ଅନେକ ସହର ସମ୍ପୂର୍ଣ୍ଣ ଧ୍ୱଂସ ହୋଇଯାଇଥିଲା । ଭୂସ୍ଖଳନ ହେତୁ ଉଦ୍ଧାର କାର୍ଯ୍ୟରେ ବାଧା ସୃଷ୍ଟି ହୋଇଥିଲା । ଭୂକମ୍ପ ହେତୁ କରୋନା ମହାମାରୀ ଦ୍ୱାରା ପ୍ରଭାବିତ ହୋଇ ହାଇତିର ଲୋକଙ୍କ ଦୁଃଖକୁ ଆହୁରି ବଢାଇଦେଇଛି ।

ଆମେରିକାର ଭୂତତ୍ୱ ସର୍ବେକ୍ଷଣ କହିଛି ଯେ ଏହି ଭୂକମ୍ପର କେନ୍ଦ୍ରସ୍ଥଳ ରାଜଧାନୀ ପୋର୍ଟ ଆଉ ପ୍ରିନ୍ସଠାରୁ ପ୍ରାୟ ୧୨୫ କିଲୋମିଟର ଦୂରରେ ରହିଛି । ଆସନ୍ତା ସପ୍ତାହ ଆରମ୍ଭରେ ସଙ୍କଟ ଆହୁରି ବିଗିଡି ଯାଇପାରେ । ଭୂକମ୍ପ ପରେ ଦିନରାତି କମ୍ପନ ଅନୁଭୂତ ହୋଇଥିଲା । ଭୂମିହୀନ ଲୋକ ଏବଂ ଯେଉଁମାନଙ୍କର ଘର ଭୁଶୁଡ଼ିଛି । ସେମାନେ ରାସ୍ତାରେ ଖୋଲା ସ୍ଥାନରେ ରାତି କାଟୁଛନ୍ତି ।

ସୂଚନା ଥାଉକି, ଭୂକମ୍ପର ପ୍ରକୋପ ଏତେ ଭୟାବହ ଥିଲା ଯେ, ପ୍ରଧାନମନ୍ତ୍ରୀ ଆରିଏଲ ହେନେରୀ ଦେଶରେ ଏକ ମାସର ଜରୁରୀକାଳୀନ ପରିସ୍ଥିତି ଘୋଷଣା କରିଛନ୍ତି । ଯେଉଁଠି କ୍ଷୟକ୍ଷତି ଅଧିକ ହୋଇଛି ସେଠାରେ ଉଦ୍ଧାର କାର୍ଯ୍ୟ ଚାଲିଛି । ଏହାସହ ଆହତ ରୋଗୀଙ୍କୁ ଡାକ୍ତରଖାନାରେ ରୋଗୀ ଭର୍ତ୍ତି କରାଯାଇଛି । ପ୍ରଧାନମନ୍ତ୍ରୀ ସାରା ଏବଂ କ୍ଷୟକ୍ଷତିର ଆକଳନ ନହେବା ପର୍ଯ୍ୟନ୍ତ ସେ ଆନ୍ତର୍ଜାତୀୟ ସହାୟତା ଲୋଡ଼ିବେ ନାହିଁ ବୋଲି କହିଛନ୍ତି । ସେ କହିଛନ୍ତି ଯେ କେତେକ ସହର ସମ୍ପୂର୍ଣ୍ଣ ଧ୍ୱଂସ ହୋଇଯାଇଛି ।