ଆଜି ଖୋଲିବ ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ରହସ୍ୟ : ଭିସେରା ରିପୋର୍ଟ କହିବ ହତ୍ୟା ନା ଆତ୍ମହତ୍ୟା!

ମୁମ୍ବାଇ, (ଓଡିଶା ଟାଇମ୍) :ଆଜି ସୁଶାନ୍ତ ସିଂ ରାଜପୁତ ମାମଲାରେ ଏକ ଗୁରୁତ୍ୱପୂର୍ଣ୍ଣ ଦିନ। ସୁଶାନ୍ତଙ୍କୁ ବିଷ ଦିଆଯାଇଥିଲା କି ନାହିଁ, ଆଜି ଏହି ରହସ୍ୟରୁ ପରଦା ଉଠାଯିବ। ଆଜି ସୁଶାନ୍ତ ସିଂ ରାଜପୁତଙ୍କ ବିଶ୍ରା ରିପୋର୍ଟ ଆସିବ। ଏହା ପରେ ବିଶ୍ରା ରିପୋର୍ଟକୁ ନେଇ ମେଡିକାଲ ବୋର୍ଡର ଏକ ବୈଠକ ହେବ। ଦ୍ୱିତୀୟ ଥର ପାଇଁ ସୁଶାନ୍ତଙ୍କ ବିଶ୍ରା ପରୀକ୍ଷା କରିଥିବା ଫୋରେନସିକ୍ ବିଶେଷଜ୍ଞଙ୍କ ଦଳ ଏଆଇଏମ୍ଏସ୍ ଡାକ୍ତରଙ୍କ ପ୍ୟାନେଲରେ ସେମାନଙ୍କ ରିପୋର୍ଟ ଦାଖଲ କରିବେ।

ଆଜି ବିଶ୍ରା ରିପୋର୍ଟ ଗ୍ରହଣ କରିବା ପରେ ରବିବାର ଦିନ ଏଆଇଏମ୍ଏସ୍ ଡାକ୍ତରଙ୍କ ପ୍ୟାନେଲ୍ ଏହି ମାମଲାରେ ଚୂଡ଼ାନ୍ତ ବୈଠକ କରିବ। ଏହି ସଭାରେ ସୁଶାନ୍ତଙ୍କ ବିଶ୍ରା ଏବଂ ପୋଷ୍ଟମର୍ଟମ ରିପୋର୍ଟ ଉପରେ ଆଲୋଚନା ହେବ। କେବଳ ଏମ୍ସର ଡାକ୍ତରମାନେ ସୁଶାନ୍ତଙ୍କ ମୃତ୍ୟୁ ବିଷୟରେ ଅନ୍ତିମ ରିପୋର୍ଟ ଦେବେ ।

ଭିସେରା ରିପୋର୍ଟରୁ ପରିଷ୍କାର ହେବ ଯେ ସୁଶାନ୍ତଙ୍କୁ ବିଷ ଦିଆଯାଇଥିଲା ନା ନାହିଁ। ଏହା ପୂର୍ବରୁ କଲିନା ଫରେନସିକ ନିଜ ରିପୋର୍ଟରେ ଭିସେରା ରିପୋର୍ଟକୁ ନେଗେଟିଭ କହିଥିଲା। ପୁଣି ଥରେ ସାମନାକୁ ଆସିଥିବା ଏହି ରିପୋର୍ଟ ସୁଶାନ୍ତଙ୍କ ୨୦ପ୍ରତିଶତ ଭିସେରା ଯାଞ୍ଚ ଉପରେ ପ୍ରସ୍ତୁତ କରାଯାଇଛି। କାରଣ ମୁମ୍ବାଇ ପୋଲିସ୍ ସୁଶାନ୍ତଙ୍କ ୮୦ପ୍ରତିଶତ ଭିସେରା ନିଜ ତଦନ୍ତରେ ବ୍ୟବହାର କରି ନେଇଥିଲା।