କରୋନା ଚିକିତ୍ସାରେ ସହାୟକ ହେବ ସେନା: ଦରକାର ହେଲେ ରିଟାୟାର୍ଡ଼ ସେନା ଡାକ୍ତର ବି ଡକା ହେବେ
ନୂଆଦିଲ୍ଲୀ: ଦେଶରେ କୋଭିଡ୍ ସ୍ଥିତିର ମୁକାବିଲା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରତିରକ୍ଷା ବିଭାଗର ସହାୟତା ଲୋଡ଼ିଛନ୍ତି। ମବସାମିରିକ ପ୍ରତିଷ୍ଠାନଗୁଡ଼ିକୁ ଯଥା ସମ୍ଭବ ସହାୟତା ଯୋଗାଇବା ଲାଗି ଶ୍ରୀ ମୋଦି ଚିଫ୍ ଅଫ୍ ଆର୍ମି ଷ୍ଟାଫ୍ଙ୍କୁ ନିର୍ଦେଶ ଦେଇଛନ୍ତି। ଏହିକ୍ରମର ସେନାବାହିନୀରେ ନିୟୋଜିତ ଡାକ୍ତର, ନର୍ସିଂ ଷ୍ଟାଫ୍ ଏବଂ ଡାକ୍ତରଖାନା କର୍ମଚାରୀମାନେ ଏଣିକି ବିଭିନ୍ନ ସ୍ଥାନରେ କୋଭିଡ୍ ପୀଡ଼ିତଙ୍କ ଚିକିତ୍ସା ଲାଗି ନିୟୋଜିତ ହେବେ। ଏପରିକି ଜରୁରୀ ହେଲେ ସେନା ବାହିନୀରୁ ନିକଟରେ ଅବସର ନେଇଥିବା ଡାକ୍ତରଙ୍କୁ ତାଙ୍କ ନିଜ ଅଞ୍ଚଳରେ ସେବା ପାଇଁେସନା ନିୟୋଜିତ କରିବ।
ସୋମବାରଦିନ ଏକ ଉଚ୍ଚସ୍ତରୀୟ ବୈଠକରେ ଏହି ନିଷ୍ପତ୍ତି ହୋଇଛି। ଏହି ବୈଠକରେ ଚିଫ୍ ଅଫ୍ ଡିଫେନ୍ସ ଷ୍ଟାଫ୍ ବିପିନ ରାୱତ୍ ଉପସ୍ଥିତ ରହି ସୋନାବାହିନୀରେ ଡାକ୍ତର ଏବଂ ଉପଲବ୍ଧ ସୁବିଧା ବାବଦରେ ଉଲ୍ଲେଖ କରିଥିଲେ। ସେ କହିଥିଲେ ଯେ, ଏବେ କାର୍ଯ୍ୟରତ ଡାକ୍ତର ଏବଂ ସ୍ବାସ୍ଥ୍ୟ କର୍ମଚାରୀଙ୍କ ସମେତ ଯେଉଁମାନେ ନିକଟରେ ଅବସର ନେଇଛନ୍ତି ସେମାନଙ୍କୁ ମଧ୍ୟ ଦେଶରେ ସୃଷ୍ଟି ହୋଇଥିବା ଏହି ବିପର୍ଯ୍ୟୟକୁ ମୁକାବିଲା କରିବା ପାଇଁ ନିାୟାଜିତ କରାଯିବ। ଏପରିକି ଯେଉଁ ଡାକ୍ତର ଯେଉଁ ସ୍ଥାନରେ ଅଛନ୍ତି ସେମାନଙ୍କୁ ସେହି ସ୍ଥାନରେ ସିଭିଲ୍ ପ୍ରତିଷ୍ଠାନ ତଥା ଡାକ୍ତରଖାନାରେ ସେବା ପ୍ରଦାନ ପାଇଁ ନିୟୋଜିତ କରାଯିବାକୁ ସ୍ଥିର ହୋଇଛି।
ଭାରତରେ ଏବେ ଦୈନିକ ସାଢ଼େ ତିନି ଲକ୍ଷରୁ ଅଧିକ ଲୋକ କୋଭିଡ୍ ଆକ୍ରାନ୍ତ ହେଉଛନ୍ତି। ଏଯାଏ ପ୍ରାୟ ୧୯୨୩୧୧ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି।