ଏପ୍ରିଲ ୧୮ରେ ଡାକ୍ତରୀ ପିଜି ପ୍ରବେଶିକା
ଭୁବନେଶ୍ବର, (ଓଡିଶା ଟାଇମ୍) : ଡାକ୍ତରୀ ସ୍ନାତକୋତ୍ତର (ପିଜି) ପାଠ୍ୟକ୍ରମରେ ନାମ ଲେଖାଇବା ପାଇଁ ଚଳିତ ବର୍ଷ ଏପ୍ରିଲ ୧୮ରେ ନ୍ୟାସନାଲ୍ ଏଲିଜିବିଲିଟି କମ୍ ଏଣ୍ଟ୍ରାନ୍ସ ଟେଷ୍ଟ ଫର୍ ପୋଷ୍ଟଗ୍ରାଜୁଏଟ (ଏନ୍ଇଇଟି-ପିଜି) ପରୀକ୍ଷା ଅନୁଷ୍ଠିତ ହେବ। ଏ ସଂକ୍ରାନ୍ତରେ ନ୍ୟାସନାଲ୍ ବୋର୍ଡ ଅଫ୍ ଏକଜାମିନେସନ(ଏନ୍ବିଇ)ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି।
ଦେଶରେ ଥିବା ୬,୧୦୨ ଡାକ୍ତରୀ ଶିକ୍ଷାନୁଷ୍ଠାନରେ ମାଷ୍ଟର ଅଫ୍ ସର୍ଜରୀ (ଏମ୍ଏସ୍)ରେ ୧୦,୮୨୧, ଡକ୍ଟର ଅଫ୍ ମେଡିସିନ୍ (ଏମ୍ଡି)ରେ ୧୯,୯୫୩, ପିଜି ଡିେପ୍ଲାମାରେ ୧,୯୭୯ ଏବଂ ଏମ୍ଡିଏସ୍ରେ ୬୫୦୧ ସିଟ୍ ଉପଲବ୍ଧ ରହିଛି। ଉପରୋକ୍ତ ସିଟ୍ରେ ଏମ୍ବିବିଏସ୍ ଡାକ୍ତର ପିଜି ପାଠ ପଢିବା ନିମନ୍ତେ ପ୍ରବେଶିକା ପରୀକ୍ଷା ଦେବେ।
ଚଳିତ ବର୍ଷ କମ୍ପ୍ୟୁଟର ବେସ୍ ଟେଷ୍ଟ (ସିବିଟି) ମାଧ୍ୟମରେ ପରୀକ୍ଷା କରାଯିବ। ସାଢେ ୩ ଘଣ୍ଟା ପରୀକ୍ଷା ଅନୁଷ୍ଠିତ ହେବ। ଯେଉଁ ଏମ୍ବିବିଏସ୍ ଡାକ୍ତର ଜୁନ୍ ୩୦ ସୁଦ୍ଧା ଇଣ୍ଟର୍ଣ୍ଣସିପ୍ ସମ୍ପୂର୍ଣ୍ଣ କରିଥିବେ ସେହିମାନେ ପରୀକ୍ଷା ଦେବା ପାଇଁ ପଞ୍ଜିକରଣ କରିପାରିବେ; କିନ୍ତୁ ତା’ପୂର୍ବରୁ ଏମ୍ବିବିଏସ୍ ସାର୍ଟିଫିକେଟ ମେଡିକାଲ କାଉନସିଲ ଅଫ୍ ଇଣ୍ଡିଆ ଏବଂ ରାଜ୍ୟ ମେଡିକାଲ କାଉନସିଲରେ ପଞ୍ଜିକୃତ ହୋଇଥିବା ଆବଶ୍ୟକ ବୋଲି ପ୍ରକାଶିତ ବିଜ୍ଞପ୍ତିରେ ଉଲ୍ଲେଖ କରାଯାଇଛି।