ହିମାଚଳ ପ୍ରଦେଶରେ ପ୍ରକୃତିର ବିଭୀଷିକା: ବାଦଲ ଫଟା ବର୍ଷାରେ ଭାସିଗଲା ଗାଡି
ହିମାଚଳ ପ୍ରଦେଶ ,(ଓଡିଶା ଟାଇମ୍): ହିମାଚଳ ପ୍ରଦେଶରେ ବର୍ଷା ବିତ୍ପାତ । ବାଦଲ ଫଟା ବର୍ଷା ହେତୁ ଅନେକ ଜିଲ୍ଲାରେ ହଇଚଇ ସୃଷ୍ଟି କରିଛି । ମେକଲୋଡଗଞ୍ଜ ନିକଟ ଭାଗସୁନାଗରେ, ରାସ୍ତାରେ ଚାଲୁଛି ପ୍ରଖର ସ୍ରୋତର ପାଣି । ପାଣିିର ସ୍ରୋତ ଏତେ ଥିଲା ପାର୍କିଂ ସ୍ଥଳରେ ଛିଡା ହୋଇଥିବା ଯାନବାହାନ ବି ବାଦ ପଡିନଥିଲା । ବର୍ଷା ପାଣିରେ ଅନେକ ଗାଡି ଭାସିଯିବା ସହ ବ୍ୟାପକ ନଷ୍ଟ ହୋଇଛି । ଘଟଣା ଯୋଗୁଁ ଲୋକଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି ।
ଜିଲ୍ଲା କୁଲୁରେ ମୌସୁମୀର ପ୍ରଭାବରେ ପ୍ରଥମ ମୁସଳଧାରାରେ ବର୍ଷା ଅନୁଭୂତ ହୋଇଛି । ଆଜି ସକାଳୁ ପ୍ରବଳ ବର୍ଷା ହେତୁ ଜିଲ୍ଲାର ଜୀବନ ସମ୍ପୂର୍ଣ୍ଣ ବ୍ୟାହତ ହୋଇଛି । ପାଗଲନାଲାରେ ବନ୍ୟା ଯୋଗୁଁ ଅଟ-ଲାରଜୀ-ସାଞ୍ଜ ରାସ୍ତା ବନ୍ଦ ରହିଛି । କର୍ପୋରେସନ୍ ବସ୍ ଏବଂ ଅନ୍ୟାନ୍ୟ ଯାନବାହନ ଏଠାରେ ଅଟକି ରହିଛି । ଭୂସ୍ଖଳନ ଯୋଗୁଁ ଜିଲ୍ଲାର ୧୫ରୁ ଅଧିକ ରାସ୍ତା ଅବରୋଧ କରାଯାଇଛି । ଏଥିସହିତ ହିମାଚଳ ସଡକ ପରିବହନ ନିଗମର ଚାରୋଟି ବସ୍ ଅଟକି ରହିଛି । ବିସ୍, ପାର୍ବତୀ, ସୂରଭୀ ଖାଦ ସମେତ ଜିଲ୍ଲାର ନଦୀ ଓ ନାଳ ସବୁ ଏକାକାର ହୋଇଯାଇଛି । ପ୍ରଥମ ମୌସୁମୀ ବର୍ଷାରେ କୁଲୁ ସହର ଜଳମଗ୍ନ ହୋଇଯାଇଛି । ଅନ୍ୟପକ୍ଷରେ ପ୍ରବଳ ବର୍ଷା ହେତୁ କୃଷକ ଓ ଉଦ୍ୟାନକାରୀମାନେ ଦୀର୍ଘ ନିଶ୍ୱାସ ମାରିଛନ୍ତି ।
ସେଓ ଏବଂ ଅନ୍ୟାନ୍ୟ ଫସଲ ପାଇଁ ଏକ ଲାଇଫ୍ ଲାଇନ୍ ଭାବରେ କାର୍ଯ୍ୟ କରିବ । ଡେପୁଟି କମିଶନର ଆଶୁତୋଷ ଗର୍ଗ କହିଛନ୍ତି ଯେ ମଙ୍ଗଳବାର ପର୍ଯ୍ୟନ୍ତ ଜିଲ୍ଲାରେ ପ୍ରବଳ ବର୍ଷା ସମ୍ପର୍କରେ ସତର୍କ ସୂଚନା ଜାରି କରାଯାଇଛି । ଏଭଳି ପରିସ୍ଥିତିରେ ନଦୀ ଓ ଡ୍ରେନ୍ ନିକଟରେ ନ ଯିବାକୁ ଲୋକଙ୍କୁ ଏବଂ ପର୍ଯ୍ୟଟକମାନଙ୍କୁ ଅନୁରୋଧ କରାଯାଇଛି ।
#WATCH Around 10 shops damaged as Manjhi River rages following heavy rainfall in Himachal Pradesh's Dharamshala pic.twitter.com/m98H2O6Ank
— ANI (@ANI) July 12, 2021