ଆମେରିକା ନିର୍ବାଚନ: ରୁଷ, ଚୀନ ଓ ଭାରତ ଉପରେ ବର୍ଷିଲେ ଟ୍ରମ୍ପ, ଜଳବାୟୁ ପରିବର୍ତ୍ତନକୁ କଲେ ଦାୟୀ
ନୂଆଦିଲ୍ଲୀ, (ଓଡିଶା ଟାଇମ୍) : ଆମେରିକାର ରାଷ୍ଟ୍ରପତି ନିର୍ବାଚନ ଦିନ ପାଖେଇ ଆସୁଛି। ଆମେରିକା ରାଷ୍ଟ୍ରପତି ନିର୍ବାଚନର ଦୁଇ ସପ୍ତାହ ପୂର୍ବରୁ ଶେଷ ହୋଇଛି ପ୍ରେସିଡେନ୍ସିଆଲ୍ ଡିବେଟ୍। ଚଳିତଥର ନିର୍ବାଚନରେ ରିପବ୍ଲିକାନ୍ ପ୍ରାର୍ଥୀ ଡୋନାଲ୍ଡ ଟ୍ରମ୍ପ ଓ ଡେମୋକ୍ରାଟିକ୍ ପାର୍ଟିର ଜୋ ବିଡେନ୍ଙ୍କ ମଧ୍ୟରେ କଡ଼ା ଟକ୍କର ହେବ। ଏହି ଅବସରରେ ମୁହାଁମୁହିଁ ହୋଇଛନ୍ତି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ରିପବ୍ଲିକେଟ୍ ପାର୍ଟି ପ୍ରାର୍ଥୀ ଜୌଏ ବିଡେନ୍। ପ୍ରେସିଡେନ୍ସିଆଲ୍ ଡିବେଟ୍ରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତ, ଋଷ ଏବଂ ଚୀନକୁ ଟାର୍ଗେଟ୍ କରିଥିବା ଦେଖାଯାଇଛି।
ଡିବେଟ୍ରେ ଟ୍ରମ୍ପଙ୍କ ଭାରତ ଉଦ୍ଦେଶ୍ୟରେ ଦେଇଥିବା ବୟାନକୁ ନେଇ ଏବେ ଚର୍ଚ୍ଚା ଜୋର୍ ଧରିଛି। ଡ଼ିବେଟରେ ବିଶ୍ବ ଜଳବାୟୁ ପ୍ରସଙ୍ଗ ଚାଲିଥିବା ସମୟରେ ଟ୍ରମ୍ପ ଭାରତ,ଋଷ ଏବଂ ଚୀନର ବାୟୁ ଆମେରିକା ତୁଳନାରେ ଅଧିକ ପ୍ରଦୂଷିତ ଥିବା କହିଛନ୍ତି। ଏମିତିକି ଏହି ଦେଶମାନେ ନିଜ ବାୟୁର ଯତ୍ନ ନେଉନଥିବା ମଧ୍ୟ ସେ କହିଛନ୍ତି। ଆମେରିକା ତାର ବାୟୁକୁ ପ୍ରଦୂଷଣ ମୁକ୍ତ କରିବା ପାଇଁ ଯତାସମ୍ଭବ ପ୍ରୟାସ କରୁଛି। ମାତ୍ର ଭାରତ ଭଳି ଦେଶ ଏହା କରୁନଥିବା ଟ୍ରମ୍ପ କହିଛନ୍ତି।