ଜେଲକୁ ଯିବେ ପୂର୍ବତନ ଦକ୍ଷିଣ ଆଫ୍ରିକା ରାଷ୍ଟ୍ରପତି ଜାକୋବ ଜୁମା, ଜାଣନ୍ତୁ କାହିଁକି

ଭୁବନେଶ୍ବର, (ଓଡିଶା ଟାଇମ୍): ପୂର୍ବତନ ଦକ୍ଷିଣ ଆଫ୍ରିକୀୟ ରାଷ୍ଟ୍ରପତି ଜାକୋବ ଜୁମାଙ୍କୁ ଅଦାଲତ ଅବମାନନା ଲାଗି ଦୋଷୀ ସାବ୍ୟସ୍ତ କରାଯାଇଛି। ଏଥି ପାଇଁ କୋର୍ଟ ତାଙ୍କୁ ୧୫ମାସ ଜେଲଦଣ୍ଡାଦେଶ କରିଥିବା ମଙ୍ଗଳବାର ଜଣାପଡିଛି। ୭୯ ବର୍ଷ ବୟସ୍କ ଦକ୍ଷିଣ ଆଫ୍ରିକୀୟ ନେତା ଚଳିତବର୍ଷ ପ୍ରାରମ୍ଭରେ ଏକ ଦୁର୍ନୀତି ମାମଲାରେ ହାଜର ହେବା ଲାଗି କୋର୍ଟଙ୍କ ନିର୍ଦ୍ଦେଶକୁ ବେଖାତିର କରିଥିଲେ। ଜୁମାଙ୍କ ଶାସନକାଳରେ ହୋଇଥିବା ବିଭିନ୍ନ ଭ୍ରଷ୍ଟାଚାରର ଏବେ ଯାଞ୍ଚ ହେଉଛି। ତେବେ ସେ ଏଥିରେ ସହଯୋଗ କରୁନଥିବାର ଅଭିଯୋଗ ମଧ୍ୟ ହେଉଛି।

ଜୁମା ୨୦୦୯ରୁ ୨୦୧୮ ପର୍ଯ୍ୟନ୍ତ ଦେଶର ସର୍ବୋଚ୍ଚ ଶାସନ ମୁଖ୍ୟ ଥିଲେ। ଏହି ସମୟରେ ହୋଇଥିବା ବ୍ୟାପକ ଭ୍ରଷ୍ଟାଚାରରେ ତାଙ୍କୁ ଅଭିଯୁକ୍ତ କରାଯାଇଥିବା ବେଳେ ତାଙ୍କ ଭ୍ରଷ୍ଟାଚାରର ଯାଞ୍ଚ ଲାଗି ଉପମୁଖ୍ୟ ବିଚାରପତି ରେମଣ୍ଡଙ୍କ ଅଧ୍ୟକ୍ଷତାରେ ସର୍ବୋଚ୍ଚ ନ୍ୟାୟାଳୟ ଆୟୋଗ ଗଠନ କରିଥିଲେ।  ତେବେ ସେ ଯାଞ୍ଚରେ ସହଯୋଗ କରିବେନି ବୋଲି କହି ସର୍ବୋଚ୍ଚନ୍ୟାୟାଳୟ ଙ୍କୁ ଅବମାନନା କରିଥିବା ସାମ୍ବାଧାନିକ କୋର୍ଟ କହିଛନ୍ତି।