NCB ଜାଲରେ ଛନ୍ଦି ହୋଇଯାଉଛନ୍ତି ଅନନ୍ୟା ପାଣ୍ଡେ

ମୁମ୍ବାଇ(ଓଡ଼ିଶା ଟାଇମ୍): ବଲିଉଡ଼ର ବାଦଶାହ ଭାବେ ଜଣା ଅଭିନେତା ଶାହରୁଖ ଖାନ(SHAHRUKH KHAN)ଙ୍କ ପୁଅ ଆର୍ୟନ(ARYAN KHAN)ଙ୍କ ଡ୍ରଗ୍ସ ଲିଙ୍କ ମାମଲାରେ ଏବେ ଅନନ୍ୟା(ANANYA)ଙ୍କ ନାଁ ମଧ୍ୟ ସାମ୍ନାକୁ ଆସିଛି । ଡ୍ରଗ୍ସ ଲିଙ୍କ ନେଇ ଅନନ୍ୟାଙ୍କୁ ଗୁଡାଇ ତୁଡାଇ ପ୍ରଶ୍ନ କରିଛି NCB । ଆର୍ୟନଙ୍କ ଫୋନରେ ଥିବା ଚାଟ୍ସ ଡିଲିଟକୁ ଆଧାର କରି NCB ଏବେ ଅନନ୍ୟା ପାଣ୍ଡେଙ୍କୁ ଟାର୍ଗେଟ କରିଛି । ଲଗାତାର ୨ ଦିନ ଧରି ଅନନ୍ୟାଙ୍କୁ ଜେରା କରିଛି NCB । ଜେରା ପୂର୍ବରୁ ଅନନ୍ୟା ନିଜ ଫୋନରୁ ଅନେକ ଗୁରୁତ୍ବପୂର୍ଣ୍ଣ ତଥ୍ୟା ଡିଲିଟ୍ କରିଦେଇଥିବା NCB କର୍ତ୍ତୃପକ୍ଷଙ୍କ ତରଫରୁ ସୂଚନା ଦିଆଯାଇଛି । ଆସନ୍ତା ସୋମବାର ପୁଣିଥରେ ପ୍ରଶ୍ନୋତ୍ତର ପାଇଁ NCB କାର୍ଯ୍ୟାଳୟରେ ହାଜର ହେବେ ଅନନ୍ୟା । 

ମୁମ୍ବାଇ କ୍ରୁଜ ଡ୍ରଗ୍ସ ପାର୍ଟିରେ ଯୋଗ ଦେଇ ଫସିଥିବା ଆର୍ୟନ ଖାନଙ୍କ ସହ ଇଣ୍ଟରନ୍ୟାସନାଲ ଡ୍ରଗ୍ସ ପେଡଲରଙ୍କ ସହ ସମ୍ପୃକ୍ତି ଥିବା ନେଇ NCB ଖୋଳତାଡ଼ ଜାରି ରଖିଛି । ତେବେ ଧୀରେ ଧୀରେ ଏହି ମାମଲାରେ ଷ୍ଟାରକିଡ୍ ମାନଙ୍କ ନାଁ ସାମିଲ ହେଉଥିବାରୁ ବଲିଉଡ଼ ଅଭିନେତା ଓ ଅଭିନେତ୍ରୀମାନଙ୍କ ମନରେ ଏବେ ଛନକା ପଶିଲାଣି । ଆର୍ୟନଙ୍କ ସହ ଅନନ୍ୟାଙ୍କ ନାଁ ଯୋଡ଼ି ହେବା ପରେ ଅନ୍ୟ ସବୁ ଲିଙ୍କର ପର୍ଦ୍ଦାଫାଶ ପାଇଁ ଉଦ୍ୟମ ଜାରି ରଖିଛି NCB । ସେପଟେ ଚଙ୍କି ପାଣ୍ଡେଙ୍କ ଝିଅ ଅନନ୍ୟାଙ୍କୁ ଆର୍ୟନଙ୍କ ସହ ମଜାକ କରିବା ପଡ଼ିଛି ମହଙ୍ଗା । ଏଥିଲାଗି ଲଗାତାର ୨ ଦିନ ଧରି NCB ଅଧିକାରୀଙ୍କ ପ୍ରଶ୍ନର ସାମ୍ନା କରିବାକୁ ପଡ଼ିଛି ଏହି ଅଭିନେତ୍ରୀଙ୍କୁ । ଜେରା ପାଇଁ ଧାର୍ଯ୍ୟ ହୋଇଥିବା ସମୟରେ ନପହଞ୍ଚି ବିଳମ୍ବରେ ପହଞ୍ଚିଥିବାରୁ ଅନନ୍ୟାଙ୍କ ଉପରେ ବିଗିଡ଼ିଥିଲେ NCB ଜୋନାଲ ଡିରେକ୍ଟର ସମୀର ୱାଙ୍ଖଡ଼େ । ଏହା କୌଣସି ଫିଲ୍ମ ପ୍ରଡକ୍ସନହାଉସ ନୁହେଁ ବୋଲି ଅନନ୍ୟାଙ୍କୁ ଚଢା ଗଳାରେ ତାଗିଦ କରିଥିଲେ ସମୀର । ଆର୍ୟନଙ୍କ ସହ ଡ୍ରଗ୍ସ ବାବଦରେ କଣ ଓ କେତେଥର କଥା ହୋଇଛ ବୋଲି ପଚାରିଥିଲେ NCB ଅଧିକାରୀ । ଏହାର ଉତ୍ତରରେ ମୁଁ କେବେ ଡ୍ରଗ୍ସ ସେବନ କରିନି କି ଏନେଇ ଆର୍ୟନଙ୍କ ସହ କେବେବି କିଛି ଆଲୋଚନା କରିନି ବୋଲି କହିଥିଲେ ଅନନ୍ୟା ।

ଅଧିକ ତଦନ୍ତ ପାଇଁ NCB ଅନନ୍ୟାଙ୍କୁ ତାଙ୍କ ପୋନ ଜମା ରଖିବାକୁ କହିଥିଲେ । ତେବେ ଜେରା ପାଇଁ ପହଞ୍ଚିବା ପୂର୍ବରୁ ଅନନ୍ୟା ତାଙ୍କ ଫୋନରୁ ଅନେକ ଗୁରୁତ୍ବପୂର୍ଣ୍ଣ ତଥ୍ୟ ଡିଲିଟ୍ କରି ଦେଇଥିବା NCB ଅଧିକାରୀ ସୂଚନା ଦେଇଛନ୍ତି । ଘଟଣାର ଅଧିକ ତଦନ୍ତ ପାଇଁ ଆସନ୍ତା ସୋମବାର ଅନନ୍ୟାଙ୍କୁ ପୁଣିଥରେ ଜେରା କରାଯିବ । ତେବେ ଆର୍ୟନଙ୍କ ଓକିଲଙ୍କ କହିବା କଥା ତାଙ୍କ ପୋନରୁ ମିଳିଥିବା ମେସେଜକୁ ଭୁଲ ବୁଝି NCB ତାକୁ ଡ୍ରଗ୍ସ ମାମଲାରେ ଯୋଡୁଛି । ତେବେ ଆଗକୁ ଏ ମାମଲାର କି ସମାଧାନ ବାହାରୁଛି ତାହା ସମୟ କହିବ ।