ଅଭିନେତା ଏଜାଜ ଖାନଙ୍କ ଜାମିନ ଆବେଦନ ଖାରଜ
ମୁମ୍ବାଇ, (ଓଡିଶା ଟାଇମ୍): ଅଭିନେତା ଏଜାଜ ଖାନଙ୍କ ଜାମିନ ଆବେଦନକୁ ମୁମ୍ବାଇ କୋର୍ଟ ପ୍ରତ୍ୟାଖ୍ୟାନ କରିଛନ୍ତି। ଡ୍ରଗ୍ସ ମାମଲାରେ ତାଙ୍କୁ ଗିରଫ କରାଯାଇଥିଲା। ତାଙ୍କୁ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ଗିରଫ କରିଥିଲା। ଡ୍ରଗ୍ସ ବେପାରୀ ଶାଦବ ବଟାଟାଙ୍କୁ ପଚରାଉଚରା ବେଳେ ଏଜାଜଙ୍କ ନାମ ସାମ୍ନାକୁ ଆସିଥିଲା । ପ୍ରଥମେ ବଟାଟାଙ୍କୁ ଗିରଫ କରାଯାଇଥିଲା ଯାହା ପରେ ଅନୁସନ୍ଧାନକାରୀ ଏଜେନ୍ସି ଏଜାଜଙ୍କୁ ପଚରାଉଚରା କରିଥିଲେ ଏବଂ ତାଙ୍କ ବିବୃତ୍ତି ରେକର୍ଡ କରିଥିଲେ।
ମାର୍ଚ୍ଚ ୩୧ ରେ ଏଜାଜ ଖାନ ମୁମ୍ବାଇ ବିମାନବନ୍ଦରରୁ ଧରାପଡିଥିଲେ। ଏନସିବି ଏଜାଜଙ୍କ ବିଷୟରେ ଅନ୍ଧେରୀ ଏବଂ ଲୋଖଣ୍ଡୱାଲାର ଅନେକ ସ୍ଥାନରେ ସର୍ଚ୍ଚ ଅପରେସନ ମଧ୍ୟ କରିଥିଲା। ତେବେ ତାଙ୍କ ଘରୁ କେବଳ ଚାରିଟି ନିଦ ବଟିକା ମିଳିଥିବା ଏଜାଜ କହିଥିଲେ। ନ୍ୟୁଜ୍ ଏଜେନ୍ସି ଏଏନଆଇ ଅନୁଯାୟୀ ,ଏଜାଜ ଖାନ କହିଛନ୍ତି, ‘ମୋ ଘରୁ କେବଳ ଚାରିଟି ଶୋଇବା ବଟିକା ମିଳିଥିଲା। ମୋ ପତ୍ନୀଙ୍କର ଗର୍ଭଧାରଣ ହୋଇଥିଲା ଏବଂ ଡିପ୍ରେସନରୁ ବାହାରିବା ପାଇଁ ସେ ଏହି ବଟିକା ବ୍ୟବହାର କରୁଥିଲେ ।ଏଜାଜ୍ ଟିଭି ଏବଂ ଫିଲ୍ମରେ କାମ କରିଛନ୍ତି । ସେ ବିଗ୍ ବସ୍ ସିଜନ୍ ୭ ରେ ଭାଗ ନେଇଥିଲେ । ଏହାପୂର୍ବରୁ ଫେସବୁକରେ ଆପତ୍ତିଜନକ ପୋଷ୍ଟ କରିଥିବାରୁ ଏଜାଜଙ୍କୁ ଗିରଫ କରାଯାଇଛି।
Actor Ajaz Khan's bail application rejected by Mumbai's Esplanade Court. He was arrested in connection with a drugs case.
— ANI (@ANI) July 6, 2021