ଜନସଂଖ୍ୟା ଅନୁପାତରେ ସାଂସଦ ଆସନ ବଢ଼ୁ: ପ୍ରଣବ ମୁଖାର୍ଜୀ
ଦେଶର ମତଦାତାଙ୍କ ସଂଖ୍ୟା ଅନୁପାତରେ ସଂସଦରେ ଆସନ ସଂଖ୍ୟା ବୃଦ୍ଧି ପାଇବାକୁ ପୂର୍ବତନ ରାଷ୍ଟ୍ରପତି ତଥା ବିଚକ୍ଷଣ ରାଜନୀତିଜ୍ଞ ପ୍ରଣବ ମୁଖାର୍ଜୀ ପ୍ରସ୍ତାବ ଦେଇଛନ୍ତି। ଆଜି ନୂଆଦିଲ୍ଲୀରେ ଉପରାଷ୍ଟ୍ରପତି ଭେଗ୍ଧେୟା ନାୟଡ଼ୁଙ୍କ ଭାଷଣ ସଂକଳନକୁ ଉନ୍ମୋଚନ କରିବା ଅବସରରେ ଶ୍ରୀ ମୁଖାର୍ଜୀ ଏହି କଥା କହିଛନ୍ତି। ୧୯୭୭ ପରଠାରୁ ଦେଶରେ ସାଂସଦଙ୍କ ସଂଖ୍ୟା ବୃଦ୍ଧି କରାଯାଇନାହିଁ। ଦେଶର ସର୍ବାଧିକ ଲୋକତାନ୍ତ୍ରିକ ସଂସ୍ଥାନକୁ ‘ଠିକଣା ଭାବରେ ପ୍ରତିନିଧିବାଦୀ’ ହେବା ଆବଶ୍ୟକ ବୋଲି ପୂର୍ବତନ ରାଷ୍ଟ୍ରପତି ମତବ୍ୟକ୍ତ କରିଛନ୍ତି।
ସଂସଦୀୟ ବ୍ୟବସ୍ଥାରେ ପ୍ରବେଶ କରିବାକୁ ଥିବା ଅନ୍ୟ କେତେକ ସମସ୍ୟା ସମ୍ପର୍କରେ ମଧ୍ୟ କହିଛନ୍ତି। ମତଦାତାମାନଙ୍କର ବିଷମତାପୂର୍ଣ୍ଣ ବଡ଼ ଆକାର ତଥା ସେହି ପ୍ରକାରର ପ୍ରତିନିଧି ସଂଖ୍ୟା ଏବେ ଚିନ୍ତାର କାରଣ ହୋଇଛି। ଦେଶର ସର୍ବାଧିକ ଲୋକତାନ୍ତ୍ରିକ ସଂସ୍ଥାକୁ ଅଧିକ ସଂଖ୍ୟାରେ ପ୍ରତିନିଧି ଜନସଂଖ୍ୟା ଅନୁପାତରେ ଦେବା ଉଚିତ୍। ଏଥିପାଇଁ ଜନସଂଖ୍ୟାକୁ ଆକଳନ କରି ସଂସଦରେ ଆସନ ସଂଖ୍ୟା ବୃଦ୍ଧି କରିବା ଆବଶ୍ୟକ ବୋଲି ଶ୍ରୀ ମୁଖାର୍ଜୀ ମତଦେଇଛନ୍ତି। ବର୍ତ୍ତମାନ ଲୋକସଭାରେ ୫୪୫ଟି ଆସନ ଥିବାବେଳେ ସେଥିରୁ ୨ଟିରେ ଆଙ୍ଗ୍ଲୋ ଇଣ୍ଡିଆନମାନଙ୍କୁ ରାଷ୍ଟ୍ରପତି ମନୋନୀତ କରିଥାନ୍ତି। ବାକି ୫୪୩ଟିରେ ନିର୍ବାଚନ ହୋଇଥାଏ।