ମୋ ଇଚ୍ଛାରେ ଦିଆଯାଇନି : ନିରଞ୍ଜନ
କଂଗ୍ରେସ ପ୍ରାର୍ଥୀ ଚୟନରେ ତ୍ରୁଟିକୁ ନେଇ ହାତ ଟେକିଦେଇଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ । କଂଗ୍ରେସ ଚଳିତ ଥର ଟିକେଟ ଦେଇ ଦଳରେ ୮୩ଟି ନୂଆଁ ମୁହଁ ଦେଇଛି ବୋଲି ନିରଞ୍ଜନ ପ୍ରତିକ୍ରିୟା ଦେଇଛନ୍ତି । ଧାରଣ ନିର୍ବାଚନ ପାଇଁ ଟିକେଟ ବଣ୍ଟନ ପ୍ରକ୍ରିୟା ଶେଷ ହୋଇସାରିଛି । ନିର୍ବାଚନ ମତଦାନ ମଧ୍ୟ ଆରମ୍ଭ ହେବାକୁ ଯାଉଛି ।
କଂଗ୍ରେସ ପ୍ରାର୍ଥୀ ଚୟନରେ ତ୍ରୁଟିକୁ ନେଇ ପିସିସି ସଭାପତି ନିରଞ୍ଜନ ପଟ୍ଟନାୟକ ହାତ ଟେକିଦେଇଛନ୍ତି । ପ୍ରାର୍ଥୀ ଚୟନ ଏକ ସମୂହ ନିଷ୍ପତି ଏବଂ ଜଣେ ବି ପ୍ରାର୍ଥୀଙ୍କୁ ତାଙ୍କ ଇଚ୍ଛାରେ ଚୟନ କରି ଟିକେଟ ଦିଆଯାଇନି ବୋଲି ନିରଞ୍ଜନ ପଟ୍ଟନାୟକ ପ୍ରତିକ୍ରିୟା ଦେଇଛନ୍ତି । ସେ କହିଛନ୍ତି , ତାଙ୍କ ଦଳର ଟିକେଟ ତିନି ସେଣାରେ ପାଣି । କଂଗ୍ରେସ ଚଳିତ ଥର ୮୩ଟି ନୂଆଁ ମୁହଁ ଦିଆଯାଇଛି । ଟିକେଟ ପାଇଁ ବହୁ ଅଶାୟୀ ଥିଲେ ତେଣୁ ପ୍ରାର୍ଥୀତ୍ୱ ନ ପାଇବାରୁ କିଛି ବ୍ୟକ୍ତି ଅସନ୍ତୋଷ ଥିବା ସ୍ୱାଭାବିକ ବୋଲି ସେ କହିଛନ୍ତି ।
ବର୍ତ୍ତମାନ ଟିକେଟ ବଣ୍ଟନକୁ ନେଇ ସମସ୍ତଙ୍କ ଆକ୍ରୋଶ ନିରଞ୍ଜନଙ୍କ ଉପରେ ଥିବାରୁ ସେ ନିଜେ ଧର୍ମସଂକଟରେ ଅଛନ୍ତି ବୋଲି କହିଛନ୍ତି । ଧର୍ମଶାଳାରୁ ସ୍ମୁତିରେଖା ପହିଙ୍କ କଂଗ୍ରେସ ପ୍ରାର୍ଥୀତ୍ୱ ବଳବତ୍ତର ରହିଛି ଏବଂ କିଷାନ ପଣ୍ଡାଙ୍କ ନାଁ ଘୋଷଣା ହୋଇଥିଲେ ବି ତାଙ୍କୁ ଟିକେଟ ମିଳିନଥିଲା । ପୂର୍ବରୁ ସ୍ମୁତିରେଖାଙ୍କ ନାଁ କଟି କିଷାନ ପଣ୍ଡାଙ୍କ ଟିକେଟ ଘୋଷଣା ହୋଇଥିଲା ବୋଲି ନିରଞ୍ଜନ ପଟ୍ଟନାୟକ ସ୍ୱିକାର କରିଛନ୍ତି । ଜୟଦେବର କଂଗ୍ରେସ ପ୍ରାର୍ଥୀ ସୁକାନ୍ତ ତିଆଡ଼ି ଭୋଇଙ୍କ ନମାଙ୍କନ ନାକଚ ହୋଇଯାଇଥିବାରୁ ସେଠାର ସ୍ୱାଧୀନ ପ୍ରାର୍ଥୀ ରାଘବ ସେଠୀଙ୍କୁ କଂଗ୍ରେସ ସମର୍ଥନ କରିବ ବୋଲି ନିରଞ୍ଜନ ପଟ୍ଟନାୟକ କହିଛନ୍ତି ।