ଜାତୀୟ ଶିଶୁ ବିଜ୍ଞାନ କଂଗ୍ରେସ ଉଦ୍‌ଯାପିତ

ବ୍ୟୟବହୁଳ ଗବେଷଣା ଦ୍ୱାରା “ଗଡ ପାର୍ଟିକଲ୍” ଖୋଜୁଥିବା ବୈଜ୍ଞାନିକମାନେ ବିଫଳ ହେବା ସ୍ଥଳେ ମନୁଷ୍ୟ ନିଜ ମଧ୍ୟରେ ପରବର୍ତନର ଆବଶ୍ୟକତାକୁ ବୁଝିବା ଆବଶ୍ୟକ ବୋଲି ସେ କହିଥିଲେ ।
ସମସ୍ତ କାରଣର କାରଣକୁ ଜାଣିବାକୁ ହେବ । ଏହାହିଁ ସମସ୍ତ ଅନ୍ୱେଷଣର ଧ୍ୟେୟ ହେବା ଉଚିତ୍ । ବୈ÷ଜ୍ଞାନିକ ପ୍ରଗତି ମଣିଷକୁ ଶକ୍ତିବାନ କରିପାରେ, କିନ୍ତୁ ଏହା ଶେଷ କଥା ନୁହେଁ । ଅର୍ଜୁନଙ୍କ ପାଖରେ ସବୁ ଅସ୍ତ୍ରଶସ୍ତ୍ର ଓ ବିଦ୍ୟା ଥିଲେ ମଧ୍ୟ, ସେ ଠିକ୍ ସମୟରେ ନିଜକୁ ଅସହାୟ ଅନୁଭବ କରିଥିଲେ । ବାହ୍ୟ ପ୍ରଗତି ସହ ଅନ୍ତଃ ପ୍ରଗତି ମଧ୍ୟରେ ସମନ୍ୱୟ ସ୍ଥାପନ କରିବାକୁ ରାଜ୍ୟପାଳ ପରାମର୍ଶ ଦେଇଛନ୍ତି ।
ବିଜ୍ଞାନ କଂଗ୍ରେସରେ ଭାରତର ବିଭିନ୍ନ ରାଜ୍ୟ ଏବଂ କେନ୍ଦ୍ରଶାସିତ ଅଂଚଳ ତଥା ୧୫ଟି ଅନ୍ୟ ଦେଶର ୭୦୦ରୁ ଅଧିକ ଶିଶୁ ଯୋଗ ଦେଇଥିଲେ ।
ଶିଶୁ ବିଜ୍ଞାନ କଂଗ୍ରେସର ଜାତୀୟ ସଂଯୋଜକ ଇଂ. ସୁଜିତ ବାନାର୍ଜୀ, ଉନ୍ନୟନ କମିଶନର ଅସିତ ତ୍ରିପାଠୀ, ନାଲ୍କୋର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ତପନ୍ ଚାନ୍ଦ, ଉଚ୍ଚ ଶିକ୍ଷା ସଚିବ ବିଷ୍ଣୁପଦ ସେଠୀ, ବିଜ୍ଞାନ ଓ ପ୍ରଯୁକ୍ତି ସଚିବ ଭାସ୍କରଜ୍ୟୋତି ଶର୍ମା, ସୋଆ କୁଳପତି ପ୍ରଫେସର ଅମିତ ବାନାର୍ଜୀ, ବିଜ୍ଞାନ କଂଗ୍ରେସର ଆବାହକ ପ୍ରଫେସର ପ୍ରଦୀପ୍ତ କୁମାର ନନ୍ଦ ପ୍ରମୁଖ ସମ୍ମିଳନୀରେ ବକ୍ତବ୍ୟ ରଖିଥିଲେ । ଏହିଭଳି ଆୟୋଜନର ବିଶେଷ ଗୁରୁତ୍ୱ ଥିବା ଅତିଥିମାନେ ମନ୍ତବ୍ୟ ଦେବା ସହ ଏହି ପ୍ରକ୍ରୀୟାକୁ ଆହୁରି ଗତିଶୀଳ ଓ କ୍ରୀୟାଶୀଳ କରିବାକୁ କହିଥିଲେ ।
ଏହି ଅବସରରେ ରାଜ୍ୟପାଳ ଜାତୀୟ ଶିଶୁ ବିଜ୍ଞାନ କଂଗ୍ରେସର ଆୟୋଜନ ସହ ସମ୍ପୃକ୍ତ ବ୍ୟକ୍ତି ବିଶେଷଙ୍କୁ ସମ୍ବର୍ଦ୍ଧିତ କରିଥିିଲେ ।